ᐃᓚᐅᔪᖅ ᐃᓕᖓᔪᖅ ᐃᓚᐅᒍᑎᓕᓐᓄᑦ

ᐃᓗᐊᔪᖅ ᐱᓇᓱᐊᑦᑕᐅᓂᖓ ᐃᓚᐅᕕᖃᒍᓐᓇᑐᑦ ᐃᓚᐅᔫᔪᑦ, ᐊᑐᕐᑕᐅᕕᒋᒍᓐᓇᑕᖏᑦ ᐅᓪᓗᐃᑦ ᐆᒃᑑᐱᕆ 1-ᒥᑦ ᓯᑉᑏᒻᐱᕆ 30-ᒧᑦ ᐊᕐᕌᒍᑦ ᑕᒫᑦ. ᐅᕗᖓ:

• • ᓯᑕᒣᑦ (4) ᖃᖓᑦᑕᐅᑏᑦ ᖃᐅᑕᒫᕐᑕᐅᑎᒃᑯᑦ ᐃᒣᓪᓗᐊᑐᓂᒃ ᐊᑭᑭᓪᓕᒋᐊᕈᑎᒃ (ᐊᑐᕈᓐᓇᑐᖅ ᐃᓄᒻᒪᕇᑦ Y ᖃᖓᑦᑕᐅᑎᖏᓐᓂᒃ, ᐱᐊᕋᕐᓄᑦ YCH ᖃᖓᑦᑕᐅᑎᖏᑦ ᐅᕝᕙᓘᓐᓃᑦ ᐃᓄᒻᒪᕆᓐᓄᑦ YCD ᖃᖓᑦᑕᐅᑎᒃ) ᐅᖓᑖᓅᕈᓐᓀᑎᓗᒋᑦ 900$ ᑖᒃᓯᓕᒫᖏᑦ ᐊᑕᔪᑦ, ᖏᑦᑐᑑᓕᓪᓗᒍ ᑰᑦᔪᐊᑉ ᒪᓐᑐᔨᐊᓗ ᐊᑯᓐᓂᖏᓐᓂᒃ, ᖃᖓᑦᑕᕕᒋᓗᒍ ᐅᑎᕐᕕᒋᓗᒍᓗ, ᐅᖓᑖᓅᕐᖃᔭᕋᑎᑦ ᐃᒣᓪᓗᐊᑐᓄᑦ 700$ ᑖᒃᓯᖏᑦ ᐊᑕᔪᑦ.

  • ᑖᒃᑯᐊ ᓯᑕᒪᑦ (4) ᐃᑭᒍᑎᑦᓴᐃᑦ ᐊᑐᕐᑕᐅᒍᓐᓇᑐᑦ 70%-ᓄᑦ ᓇᓕᑭᓪᓕᒋᐊᕐᓯᒪᑎᓪᓗᖏᑦ ᐅᓯᔭᐅᒋᐊᓕᑦᑎᒍᑦ ᐋᕐᕿᑕᐅᓯᒪᔪᑦᑎᒍᑦ ᐊᑭᓕᒐᑦᓴᐅᓗᑎᒃ ᐊᐅᓪᓚᑎᑦᓯᒍᑕᐅᒍᓐᓇᑎᓪᓗᒋᑦ ᓯᑕᒪᓕᒻᒧᑦ, ᓯᑮᑑᒧᑦ, ᐊᐅᓚᐅᑎᓐᓄᓘᓐᓃᑦ/ᕿᐊᕐᖑᔫᓄᑦ, ᐊᕐᖁᑎᖃᓪᓗᑎᒃ ᑰᓐᓂᐊᑎᒃᑯᑎᒍᑦ ᓄᓇᕕᐅᑉ ᓄᓇᓕᖏᓐᓄᑦ ᐃᓚᖓᓄᓪᓘᓐᓃᑦ ᐊᑯᓐᓂᖓᓄᓪᓘᓐᓃᑦ ᓄᓇᕕᐅᑉ ᓄᓇᓕᖏᓐᓄᑦ ᐅᓄᕐᓂᖃᕐᑎᓗᒋᑦ $900-ᓂᑦ ᑖᒃᓯᖏᑦ ᐃᓚᐅᑎᓪᓗᒋᑦ.

  • ᐃᓚᐅᔪᖅ ᖃᖓᑦᑕᐅᑏᑦ ᐊᑐᕐᑕᐅᒍᓐᓇᑐᑦ ᖃᖓᑦᑕᐅᓯᕈᑎᐅᓗᑎᒃ ᐃᓄᐃᒃᑯᓂ ᐅᖓᒻᒧᑦ ᐅᑎᒧᓪᓗ ᐃᓂᓕᐅᕐᓯᒪᒋᐊᖃᕐᑐᑦ ᐅᕘᓇ 1-800-361-2965.

  • ᐃᓄᒻᒪᕆᓐᓄᑦ ᐊᑭᑭᓪᓕᒋᐊᒍᑎᒃ ᐊᑐᕈᓐᓇᑐᖅ ᐃᓄᓐᓄᑦ ᐅᑭᐅᓕᓐᓄᑦ 60-ᓂᒃ ᐅᖓᑖᓄᓪᓗ  ᖃᖓᑦᑕᑐᓄᑦ ᐃᓚᐅᔫᕐᒥ ᐊᑐᕐᓱᑎᑦ.
  • ᐃᑦᓯᕕᓐᓄᑦ ᑮᓇᐅᔭᖃᕐᑎᑕᐅᒍᑎᖏᑦ ᐃᓚᐅᔪᖅ ᖃᖓᑦᑕᐅᑎᖏᓐᓄᑦ:
    
    • 737-ᑯᑦ ᖃᖓᑕᓂᕐᓄᑦ– ᖃᖓᑕᔪᑦ ᐃᑦᓯᕕᖃᕈᓐᓇᑐᑦ 60 ᑮᓘᓂᒃ ᐅᖁᒣᓐᓂᓕᓐᓂᒃ *
    • King Air-ᑯᑦ ᖃᖓᑕᓂᕐᓄᑦ – ᖃᖓᑕᔪᑦ ᐃᑦᓯᕕᖃᕈᓐᓇᑐᑦ 30 ᑮᓘᓂᒃ ᐅᖁᒣᓐᓂᓕᓐᓂᒃ
    • Dash-ᑯᑦ ᒪᕐᕈᓕᐊᕈᒃᑯᓗ ᖃᖓᑕᓂᕐᓄᑦ – ᐱᐅᓯᕐᓲᑎ ᐃᑦᓯᕕᖃᕈᓐᓇᓂᖅ 30 ᑮᓘᓂᒃ ᐅᖁᒣᓐᓂᓕᓐᓂᒃ ᐊᑐᖏᓐᓇᑐᖅ.

* ᖃᖓᑕᔪᖅ 737-ᑰᕐᑐᕕᓂᐅᓗᓂ ᒪᕐᕈᓕᒃᑰᕆᐊᖃᕐᐸᑦ (Dash-8, ᒪᕐᕈᓕᐊᕈᖅ ᐅᕝᕙᓘᓐᓃᑦ King Air) ᐃᑦᓯᕕᖏᑦᑕ ᐅᖁᒣᓐᓂᕆᒍᓐᓇᑕᖓ ᒪᕐᕈᓕᒻᒥ ᖃᖓᑕᓂᕐᒥ 30 ᑮᓘ ᐅᖁᒣᓐᓃᑦ.

ᐃᓗᐊᔪᖅ ᐱᓇᓱᐊᑦᑕᐅᓂᖓ ᐃᓚᐅᕕᖃᒍᓐᓇᑐᑦ ᐃᓚᐅᔫᔪᑦ, ᐊᑐᕐᑕᐅᕕᒋᒍᓐᓇᑕᖏᑦ ᐅᓪᓗᐃᑦ ᐆᒃᑑᐱᕆ 1-ᒥᑦ ᓯᑉᑏᒻᐱᕆ 30-ᒧᑦ ᐊᕐᕌᒍᑦ ᑕᒫᑦ. ᐅᕗᖓ:

• ᐊᑕᐅᓯᖅ (1) 50 % ᐊᑭᑭᓪᓕᒋᐊᕈᑎᒃ ᖃᖓᑦᑕᐅᑎ (ᐊᑐᕐᑕᐅᒍᓐᓇᑐᖅ ᐃᓄᒻᒪᕇᑦ Y ᐊᑭᖓ, ᐱᐊᕋᐅᑉ ᐊᑭᖓ YCH ᐅᕝᕙᓘᓐᓃᑦ ᐃᓄᑐᖃᐅᑉ YCD ᐊᑭᖓ) ᐅᖓᒻᒧᐊᕇᕐᕕᖓ 900$ ᑖᒃᓰᑕᐅᒍᑎᖓ ᐃᓚᐅᑎᓐᓗᒍ.
• ᐱᖁᑎᒥᑦ ᐊᐅᒻᓚᑎᑦᓯᓂᖅ VTT, ᓯᑭᑑ ᐅᕝᕙᓘᓐᓃᑦ ᕿᐊᖕᖑᔫᒃ 30% ᐊᑭᑭᓪᓕᒋᐊᕈᑎᒃ ᐱᖁᑎᓂᑦ ᐊᐅᒻᓚᑎᑦᓯᓂᒃᑯᑦ ᐊᑭᖏᑦ ᒪᓕᑦᓱᒋᑦ ᓚᑲᕌᓐ-ᒥᑦ ᓴᓂᑭᓗᐊᒧᑦ ᐅᕝᕙᓘᓐᓃᑦ ᓴᓂᑭᓗᐊᒥᑦ ᓄᓇᕕᒃ ᓄᓇᓕᖏᓐᓄᑦ ᐅᓄᕐᓂᐸᐅᑎᓪᓗᒍ 900$ ᑖᒃᓯᓕᒫᖏᑦ ᐃᓚᐅᑎᓪᓗᒋᑦ.

• ᐃᓚᐅᔪᖅ ᐃᓕᑕᕆᔭᐅᒍᑎᖏᑦ ᐊᑐᕈᓐᓇᑐᑦ ᐃᓄᐃᑦ ᖃᖓᑦᑕᔫᖏᑦ ᐊᑐᕐᓗᒋᑦ ᑭᓯᐊᓂ.

• ᐱᕕᑭᑦᓴᑐᑦ ᐃᓂᖏᑦ ᐃᓕᒃᑯᑦ ᖃᖓᑦᑕᐅᑎᒃᑯᑦ. ᐅᑕᕐᕿᒋᐊᖃᕐᓂᖅ ᐃᓚᐅᔪᖅ ᖃᖓᑦᑕᐅᓯᕈᑎᖏᒍᑦ ᐱᕕᑦᓴᖃᕐᑎᑕᐅᔪᖅ.

• ᐃᓕᒃᑯᑦ ᐃᓚᐅᔪᖅ ᐃᓕᑕᕐᓯᔭᐅᒍᑎᖏᑦ ᓇᒻᒥᓂᓕᒻᒧᑦ ᐱᕕᑦᓴᖃᕐᑎᓯᒍᓐᓇᑐᖅ ᐊᑕᐅᓯᕐᒥᒃ ᐅᑎᕈᑎᓕᒻᒥᒃ ᖃᖓᑦᑕᐅᑎᒥᒃ ᐅᕝᕙᓘᓐᓃᑦ ᐊᑕᐅᓯᐊᕈᓐᓇᓱᑎᑦ ᐃᑦᓯᕕᓐᓂᒃ ᖃᖓᑦᑕᐅᓰᕐᓂᒥᒃ. ᐅᖓᒻᒧᐊᕕᒻᒥᓄᑦ ᑭᓯᐊᓂᑐᐃᓐᓇᖃᔭᕋᓂ.

• ᓄᕐᖃᒋᐊᕐᑐᕕᖃᑫᓐᓇᓃᑦ ᐱᕕᑦᓴᖃᕐᑎᑕᐅᖕᖏᑐᑦ.

• ᐃᓱᒣᓐᓇᕿᓗᑎᑦ ᖃᖓᑦᑕᐅᑎᑎᑦ ᐊᓯᑦᔨᑕᐅᒍᓐᓇᓂᖏᑦ ᐱᕕᑦᓴᖃᕐᑎᑕᐅᔪᑦ ᐊᒻᒪᓗ ᐊᑭᖃᕐᓱᓂ ᐃᒣᓪᓗᐊᑐᓂᒃ $57.49 (QC) / $52.50 (NU) ᐊᓯᑦᔩᓂᕐᒧᑦ ᐊᑭᖓ ᑖᒃᓯᓕᒫᖏᑦ ᐊᑕᑎᓪᓗᒋᑦ ᐊᒻᒪᓗ ᖃᖓᑦᑕᐅᑎᐅᑉ ᐊᑭᕕᓂᖏᑦ ᐊᑭᓖᒍᑕᐅᓯᒪᔪᑦ ᐅᕝᕙᓘᓐᓃᑦ ᐅᑎᕐᑎᑕᐅᒍᑎᖏᑦ ᐱᒍᓐᓇᕕᖃᑐᐊᕐᐸᑦ. ᖃᐅᔨᒪᔭᐅᓕ ᐱᒋᐊᕐᓗᒋᑦ ᓅᕕᒻᐱᕆ 1, 2025 ᐅᓄᕐᓂᖏᑦ ᐊᓯᑦᔩᓂᐅᑉ ᐊᑭᖏᑦ ᐅᓄᕐᓯᒋᐊᓛᕐᑐᑦ ᐃᒣᓪᓗᐊᑐᓄᑦ $97.73 (QC) / $89.25 (NU) ᑖᒃᓯᓕᒫᖏᑦ ᐊᑕᔪᑦ.

• ᐃᓚᐅᔪᖅ ᐃᓕᑕᕆᔭᐅᒍᑎᖏᑦ ᓅᑕᐅᕐᖃᔭᖕᖏᑐᑦ, ᐅᑎᕐᑎᓯᕕᐅᕐᖃᔭᖕᖏᑐᑦ ᐊᑐᕐᑕᐅᒋᐊᓪᓚᖃᔭᕋᑎᓪᓗ.

• ᖃᖓᑦᑕᐅᑎᒃ ᓂᐊᕕᐊᕕᓂᖅ ᐊᑖᒎᕐᑎᓗᒍ ᑕᒃᑰᓇ ᐱᓇᓱᐊᕐᑕᐅᒍᑎᖓᒍᑦ ᐅᑎᕐᑎᓯᕕᐅᒍᓐᓇᑐᖅ ᐊᑭᖃᕐᓱᓂᓪᓗ ᐃᒣᓪᓗᐊᑐᓂᒃ $57.49 (QC) / $52.50 (NU) ᐅᑎᕐᑎᓯᒍᑏᑦ ᐊᑭᖏᑦ ᑖᒃᓯᓕᒫᖏᑦ ᐊᑕᔪᑦ. ᖃᐅᔨᒪᔭᐅᓕ ᐱᒋᐊᕐᓗᒋᑦ ᓅᕕᒻᐱᕆ 1, 2025 ᐅᓄᕐᓂᖏᑦ ᐊᓯᑦᔩᓂᐅᑉ ᐊᑭᖏᑦ ᐅᓄᕐᓯᒋᐊᓛᕐᑐᑦ ᐃᒣᓪᓗᐊᑐᓄᑦ $97.73 (QC) / $89.25 (NU) ᑖᒃᓯᓕᒫᖏᑦ ᐊᑕᔪᑦ. ᐅᑎᕐᑎᓯᒍᑏᑦ ᑐᑦᓯᕌᕆᔭᐅᒍᓐᓇᑐᑦ ᐱᔭᕇᕐᓗᒋᑦ ᒪᓕᓪᓗᒋᓗ ᐃᒫᙰᕈᑎᖏᑦ ᐅᑎᕐᑎᓯᒍᑎᐅᑉ ᑕᑕᕐᓴᒐᖓᓂᒃ ᑕᑯᒍᓐᓇᑌᑦ ᖃᕆᑕᐅᔭᒃᑯᑦ ᐅᐸᑦᑕᐅᕕᑦᑎᓂᒃ. ᖃᖓᑦᑕᐅᑎᕕᓃᑦ ᐅᑎᕐᑎᑕᐅᒍᑎᖏᑦ ᐃᓗᐃᑦᑑᓱᑎᑦ (ᐃᓘᓐᓇᑎᑦ ᖃᖓᑦᑕᐅᓯᒍᑎᕕᓃᑦ ᐊᑭᑭᓪᓕᒋᐊᕈᑎᖃᕐᓱᑎᑦ) ᐊᑐᕈᓐᓇᓯᑎᑦᓯᒋᐊᓪᓚᓚᖓᔪᑦ ᐃᓕᑕᕐᓯᐅᑎᒥᒃ ᐱᓇᓱᐊᕐᑕᔪᑦ ᐊᑖᒎᕐᑎᓗᒋᑦ.

• A No show Fee of $97.73 (QC) / $89.25 (NU) is applicable when a passenger fails to advise of date change at 2 hours prior to scheduled departure time.

• ᓇᓪᓕᑐᐃᓐᓇᖏᑦ ᖃᖓᑦᑕᐅᑏᑦ ᓂᐅᕕᐊᕕᓃᑦ ᐊᑖᒎᕐᑎᓗᒋᑦ ᐱᓇᓱᐊᕐᑕᐅᒍᑎᖏᑦᑕ ᑖᒃᑯᐊ ᐊᑭᓖᒍᑕᐅᒋᐊᓖᑦ ᓇᒻᒥᓂᕆᔭᐅᔪᒧᑦ ᐊᑭᓖᒍᑎᒧᑦ (ᑕᒪᒋᓐᓄᑦ ᖃᖓᑦᑕᔫᓕᕆᔨᓄᑦ) ᐅᕝᕙᓘᓐᓃᑦ ᑐᕃᓐᓇᑐᒥᒃ ᐊᑭᓕᕐᓗᒋᑦ (ᐃᓄᐃᑦ ᖃᖓᑦᑕᔫᖏᓐᓄᑦ ᑭᓯᐊᓂ).

• ᖃᖓᑦᑕᐅᑏᑦ ᐊᑐᐃᓐᓇᐅᑎᑕᐅᔪᑦ ᐊᑖᒎᕐᑎᓗᒋᑦ ᐃᓚᐅᔪᖅ ᐱᓇᓱᐊᒍᑕᐅᓂᖏᑦ ᐊᑐᕈᓐᓇᓚᖓᔪᑦ ᐊᑕᐅᓯᕐᒥᒃ (1) ᐊᕐᕌᒍᕐᒥ ᒪᓕᓪᓗᒋᑦ ᐅᓪᓗᖏᑦ ᓂᐅᕕᕐᑕᐅᕕᕕᖓᓂᓪᓘᓃᑦ.

ᐃᓚᐅᔪᖅ ᐊᑭᑭᓪᓕᒋᐊᕈᑎ ᐱᓇᓱᖃᑎᒌᒍᑎᐅᕗᖅ 

ᖃᐅᔨᒋᐊᕐᕕᖃᕈᒪᔪᐃᑦ ᐃᓚᐅᔪᐃᑦ ᐊᑭᑭᓪᓕᒋᐊᕐᓯᒪᒍᓐᓇᐅᑎᖏᓐᓄᑦ ᐃᓕᖓᔪᓂᒃ, ᖃᐅᔨᒐᓱᐊᕐᕕᖃᕈᓐᓇᑐᑦ, ᖃᕆᑕᐅᔭᑎᒍᑦ ᑕᑯᒐᓱᐊᕐᕕᒃ ᓃᓂᕐᓗᒍ ᐅᓇ ᐱᑦᔪᔨᒍᑎᓂᒃ ᐱᒍᑦᔨᕕᒃ. 

ᑐᑭᓯᒋᐊᒃᑲᓂᕈᒪᒍᕕᑦ ᐱᓪᓗᒋᑦ ᑲᑎᕕᒃ ᓄᓇᓕᓕᒫᑦ ᑲᕙᒪᒃᑯᑦ ᖃᖓᑦᑕᐅᑎᓂᒃ ᐊᑭᑭᓕᒋᐊᕐᑎᓯᓂᕐᓂᒃ ᐱᓇᓱᒍᑎᖏᑦ, ᑲᒃᑯᐊ ᐱᑐᒃᑕᕖᑦ ᓇᓪᓕᖓᑦ ᓃᓂᕐᓗᒍ. 

ᐃᓚᐅᔪᖅ ᐊᑭᑭᓪᓕᒋᐊᕈᑏᑦ ᐃᑉᐱᒋᔭᐅᓂᖃᓲᖑᒻᒪᑕ ᖃᕆᑕᐅᔭᑎᒍᑦ. ᐊᑐᐃᓐᓇᖃᑦᓯᐊᕆᑦ ᐃᒪᐅᔫᒍᑎᑉᐱᑦ ᑭᓯᑦᓯᒍᑎᖓᓂᑦ.

ᖃᖓᑦᑕᐅᑏᑦ
· ᐅᖄᓚᕕᒋᓗᒍ ᐃᓂᓕᐅᕐᕕᒃ ᐅᕗᖓ 1 800 361-2965.
· ᐅᖃᕐᓗᑎᑦ ᐊᐅᓪᓚᕈᒪᓂᕋᒻᓗᑎᑦ ᐃᓚᐅᔪᕐᑎᖑᑦ ᐊᑭᑭᓪᓕᒋᐊᕈᑎᑎᒍᑦ.
ᐱᖁᑎᓂᑦ ᐊᐅᓪᓚᑎᑦᓯᕕᒃ
· ᐅᖄᓚᕕᒋᓗᒍ ᐱᖁᑎᓂᑦ ᐊᐅᓪᓚᑎᑦᓯᕕᒻᒥ ᐱᓇᓱᑦᑎ ᐊᐅᓪᓚᑎᒍᒪᔦᑦ ᐸᕐᓀᒍᑎᒋᓗᒍ.
· ·ᐱᖁᑎᓂᑦ ᐊᐅᓪᓚᑎᑦᓯᕕᒻᒥ ᐱᓇᓱᑦᑎ ᑕᑯᒋᐊᕐᖄᓗᓂ ᐊᑭᑭᓪᓕᒋᐊᒍᑎᖃᒻᒪᖔᑉᐱᑦ ᓇᓗᓀᕐᓯᓚᐅᑲᓗᓂ , ᐊᑭᑭᓪᓕᒋᐊᕐᑕᐅᒍᓐᓇᓯᒐᔭᕐᑐᖅ.

ᒪᕐᕈᐃᖑᕗᑦ ᖃᐅᔨᓴᐅᑎᒋᒍᓐᓇᑕᑎᑦ ᓈᒻᒪᓈᒻᒪᖔᑕ ᐱᒍᓐᓇᐅᑎᑎᑦ.

• ᐃᓕᔨᒍᓐᓇᐳᑎᑦ ᑭᑎᑦᔪᑎᓐᓃᕕᑦ ᑭᖑᓂᖓᓃᑦᑐᓂᑦ ᓈᒻᒪᓈᒻᒪᖔᑕ ᐱᒍᓐᓇᐅᑎᑎᑦ ᖃᕆᑕᐅᔭᕐᑎᒍᑦ.
• ᐅᖄᕕᒋᒍᓐᓇᑕᐃᑦ ᐃᓂᓕᐅᕐᕕᕗᑦ ᐅᕗᖓ 1-800-361-2965 ᐊᒻᒪᓗ ᐱᓇᓱᐊᖃᑎᕗᑦ ᐊᓕᐊᒐᔭᕐᑐᖅ ᐃᑲᔪᓪᓗᓂ ᐃᓕᓐᓂᑦ.